حلال على الشباب و حرام على البنات!!؟

الســلام عليــكم ورحمة الله وبركااته..
اليوم برمس بموضووع فيه سلبياات و ايجابيات..
و فيه اعضاء بيكونون معاي و اعضاء ضدي..
لكن هالموضوع واااااايد قاهرني..
كل شي حق الرياييل!!!
يمكن حد بيجاوبني انه احنا دوله محافظه و من هالسولف و المفروض البنت ما ما تكون لها حريه كثر الريال..ليش؟!!
اول شي ..الشي اللي منتشر عندنا ف البلاد ..!...
فعقوول الشباب انهم عاادي او حلال انهم يغلطوون و البنت عيب و حرام..!![[ ما انكر هالشي بس........]]
الحين الشاب بيطلع ما بيخلي بنت من بنات خلق الله الا و مب مرقمنها او متحرش فيها..و بس من حد يقرب صوب اخته تشتعل الدنيا !!
و يلس يصارخ ع البنيه و يفاتن و هي و حليها مب مسويه شي ..[[ شـــو حلال علييه و حرام على غيـــره !!]]
و ليــــــش غلط الولد مب نفس غلط البنت.؟!؟
الحين هو يرمس و يغازل و يرووح و ايي ..مب مخلي بنت مب مرمسنها..
و اذا عرف عن اخته انها ترمس واحد يجلب الدنيا فوق راسها ..
و ليش ترمسينه؟ و من متى تعرفينه؟ طرااااق..و كيف عرفتيه؟؟ طراااق............
شو شو نحن وين عايشيين!..[[و بعد حلال عليه و حرام على غيره]]
مثل ما انته غلطت هي غلطت.. ما فيه اي ما نع انه يفهمها الصح من الغلط ..[[ هذا اذا كان يعرف الصح]]
الحين عن الدراسه..
شمعنا الشاب مسموح له بالسفر و الدراسه بالخارج لوحده ؟
و البنت لا؟.!
هو بيسافر بروحه و يمكن يغلط ..
و البنت ممكن تسافر برحها و تغلط..
[[ كل ابن آدم خطاء]]
انا ماقلت تعالي و سيري سافري روحج خصوصا انا احنا مجتمع محافظ لكن على الاقل ويا اخووها..
و الاخو حضرته مايبغي عساس انه يبغي ياخذ راحته ..!
ليــــــــــــش المجتمع صار بالهشده على البنات؟؟!
ليــــــــــــش غلط الولد مب نفس غلط البنت؟؟؟!
ليــــــــــــش هالتفرقه؟؟؟؟؟؟؟؟؟؟؟؟؟؟؟؟؟
ابغي منكم اجوبه صريحه..

والســـموحه منكم..

الصراااحه اختي مووضوع وااايد حلووو

و الله يعطيج الف عافيه


و نتريا يديدج

دمتــ بود ــي